દાહોદ તાલુકાના લીલર ગામેથી બે મોટરસાઈકલોની ઉઠાંતરી

દાહોદ તા.૦૮
દાહોદ તાલુકાના લીલર ગામે ઘરના આંગણે લોક મારી પાર્ક કરેલ બે મોટરસાઈકલ ઉઠાંતરી થયાનું જાણવા મળે છે. દાહોદ તાલુકાના લીલર ગામે પટેલ ફળિયામાં રહેતા મુકેશભાઈ વસંતભાઈ સંગાડા અને ખેમચંદભાઈ ધનજીભાઈ બીલવાળે પોત પોતાની મોટરસાઈકલ પોતાના ઘરનાં આગણે ગત તા.૦૨.૧૦.૨૦૧૯ના રોજ લોક મારી પાર્ક કરી હતી. આ બંન્ને મોટરસાઈકલોને કોઈ અજાણ્યા ચોર ઈસમોએ પોતાનો કસબ અજમાવી મોટરસાઈકલનું લોક તોડી ચોરી કરી લઈ નાસી જતાં આ સંબંધે મુકેશભાઈ વસંતભાઈ સંગાડાએ કતવારા પોલિસ મથકે ફરિયાદ નોંધાવતા પોલિસે ગુનો નોંધી તપાસ હાથ ધરી છે.