ગરબાડા તાલુકામાં માર્ગ અકસ્માતના બે બનાવોમાં એકનું મોત : એક મહિલા સહિત ત્રણને ઈજા

દાહોદ તા.૦૯
ગરબાડા તાલુકામાં બે જુદી જુદી જગ્યાએ માર્ગ અકસ્માતના બનેલા બે બનાવોમાં એક વ્યÂક્તનું મોત નીપજ્યાનું જ્યારે એક મહિલા સહિત ત્રણ જણાને ઈજાઓ થયાનું જાણવા મળે છે.
માર્ગ અકસ્માતનો પ્રથમ બનાવ ગરબાડા નગરમાં મઢી ફળિયામાં બન્યો હતો જેમાં ગરબાડા તાલુકાના ગુંગરડી ગામે તળાવ ફળિયામાં રહેતા ધારજીભાઈ ફતીયાભાઈ ભાભોરે પોતાના કબજાની મોટરસાઈકલ પુર ઝડપે અને ગફલત ભરી રીતે હંકારી લાવી રસ્તામાં અચાનક બ્રેક મારતાં મોટરસાઈકલ પાછળ બેઠેલ રણજીતભાઈ હકમાભાઈ ભાભોર મોટરસાઈકલ પરથી પડી જતા તેઓને પગના ભાગે ગંભીર ઈજાઓ પહોંચાડી મોટરસાઈકલનો ચાલક નાસી ગયો હતો. આ સંબંધે ગરબાડા તાલુકાના ગાંગરડી ગામ તળાવ ફળિયામાં રહેતા લાલજીભાઈ જાખાભાઈ ભાભોરે ગરબાડા પોલિસ મથકે ફરિયાદ નોંધાવતા પોલિસે ગુનો નોંધી તપાસ હાથ ધરી છે.
માર્ગ અકસ્માતનો બીજા બનાવ ગરબાડા તાલુકાના અભલોડ ગામે બનવા પામ્યો હતો જેમાં ગરબાડા તાલુકાના ટુંકીવજુ ગામે પાટાડુંગરી ફળિયામાં ખાતે રહેતા પંકજભાઈ માનસીંગભાઈ રોઝ તેમની પÂત્ન રવીનાબેન પંકજભાઈ રોઝ અને તેમની નાની બાળકી પ્રિન્સીબેનને લઈ એક માટરસાઈકલ પર સવાર થઈ અભલોડ ગામેથી પસાર થઈ રહ્યા હતા તે સમયે પોતાની સાસરીમાં જઈ રહ્યા હતા તે સમયે એક મોટરસાઈકલના ચાલકે પોતાના કબજાની મોટરસાઈકલ પુરઝડપે અને ગફલત ભરી રીતે હંકારી લાવી પંકજભાઈની મોટરસાઈકલ સાથે ધકાડાભારે અથડાવતા પંકજભાઈ,રવીનાબેન અને બાળકી પ્રિન્સીબેન એમ ત્રણેય જણા જમીન પર પટકાયા હતા જે પૈકી પંકજભાઈને માથાના ભાગે તેમજ શરીરે ગંભીર ઈજાઓ થતાં તેઓને નજીકના દવાખાને સારવાર અર્થે ખસેડવામાં આવ્યા હતા જ્યા સારવાર દરમ્યાન પંકજભાઈનું મોત નીપજ્યું હતુ. આ સંબંધે ગરબાડા તાલુકાના ટુંકીવજુ ગામ પાટાડુંગરી ફળિયામાં રહેતા નગરસિંહ સેવાભાઈ રોઝે જેસાવાડા પોલિસ મથકે ફરિયાદ નોંધાવતા પોલિસે ગુનો નોંધી તપાસ હાથ ધરી છે.