દાહોદના ભરચક સ્ટેશન વિસ્તારની મોબાઈલની દુકાનમાં લૂંટનો મામલો : દાહોદમાં ધોળે દિવસે મોબાઈલની દુકાનમાં લૂંટ ચલાવનાર આરોપી મહારાષ્ટ્રથી ઝડપાયો

રિપોર્ટર : ગગન સોની

દાહોદ તા.૨૦

દાહોદ શહેરમાં સ્ટેશન રોડ પર આવેલ એક મોબાઈલની દુકાનમાં ધોળા દિવસે એક લૂંટારૂ દ્વારા દુકાનદારને બંદૂકની અણીએ ૫૦,૦૦૦/- ઉપરાંતની રોકડેની લૂંટ કરી લઈ નાસી ગયા ના બનાવ મામલે સમગ્ર દાહોદ શહેરમાં ચર્ચા નથી જાેવા પામી હતી ત્યારે ઘટનાની ગંભીરતાને ધ્યાનમાં લઈ દાહોદ એલસીબી પોલીસની તપાસનો ધમધમાટ આરંભ કરતા લૂંટ ચલાવનાર આરોપીને મહારાષ્ટ્ર રાજ્યમાંથી ઝડપી પાડી દાહોદ મુકામે લઈ આવી હતી અને જેલ કરી દીધો હતો. ઝડપાયેલ લૂંટારૂ પાસેથી પોલીસે રોકડ રૂપિયા સહિત માઉઝર પિસ્તોલ, બે જીવતા કારતુસ વગેરે મળી કુલ રૂપિયા ૭૮,૫૯૯/- નો મુદ્દામાલ રિકવર કર્યો હતો. થોડા દિવસ પૂર્વે દાહોદ શહેરમાં ૨૪ કલાક ધમધમતા એવા સ્ટેશન રોડ વિસ્તાર ખાતે આવેલ એક મોબાઈલની દુકાનમાં એક લૂંટારો દ્વારા બંદૂકની અણીએ દુકાનદાર માલિક મુસ્લિમ ભાઈ ઝુમ્મરવાલાને બાનમાં લઈ ૫૬,૭૦૦/- ની રોકડ રકમની લૂંટ ચલાવી લૂંટારૂ મોટર સાયકલ લઈને નાસી ગયો હતો. ઘટનાને પગલે દાહોદ શહેરમાં પામી હતી ત્યારે ઘટનાની ગંભીરતાને ધ્યાનમાં લઇ દાહોદ જિલ્લા પોલીસવડાની સુચના અને માર્ગદર્શન હેઠળ દાહોદ એલસીબી પોલીસે આરોપીને ઝડપી પાડવા તપાસનો ધમધમાટ આરંભ કરતા પોલીસે લુટારૂની મોટરસાયકલનો નંબર જે મહારાષ્ટ્ર પાર્સિંગનો હતો અને દુકાનદાર પાસેથી એક મોબાઇલ ફોન પણ લૂંટી લીધો હતો તે મોબાઈલ ફોનના ટેકનિકલ સોર્સ મારફતે અને મહારાષ્ટ્રના આરટીઓ વિભાગમાં મોટરસાયકલના નંબરની તપાસ હાથ ધરતા દાહોદ એલસીબી પોલીસને મહત્વની કડીઓ મળી હતી અને આરોપી લૂંટારૂ મહારાષ્ટ્રમાં હોવાનું પોલીસને જાણમાં આવ્યું હતું. પોલીસે અલગ અલગ ટીમો બનાવી તાબડતોડ દાહોદ એલસીબી પોલીસ મહારાષ્ટ્ર મુકામે પહોંચી હતી અને મહારાષ્ટ્ર ખાતેથી લૂંટારૂ આરોપીના ઝડપી પાડી દાહોદ મુકામે લઈ આવી હતી જ્યાં આરોપી લૂંટારૂ લૂંટારોની સઘન પૂછપરછ કરતા તેને પોતાનું નામ શંકર સુરેશ કોસ્ટી જણાવ્યું હતું અને તે મૂળ મહારાષ્ટ્રનો રહેવાસી અને હાલ દાહોદ જિલ્લાના ઝાલોદ તાલુકાના લીમડી નગરમાં રહેતો હોવાનું પોલીસ સમક્ષ સામે આવ્યું હતું પોલીસે તેની રોકડા રૂપિયા ૨૨, ૦૦૦/-, એક મોટરસાયકલ, માઉઝર પિસ્તોલ, બે જીવતા કારતુસ અને દુકાનદાર પાસેથી પૈસાની સાથે સાથે લૂંટી લીધેલ એક મોબાઈલ ફોન મળી કુલ રૂપિયા ૭૮,૫૯૯/-નો મુદ્દામાલ પોલીસે કર્યો હતો. ઝડપાયેલ આ લૂંટારો દાહોદ શહેરમાં અગાઉ તારીખ નવમી સપ્ટેમ્બરના રોજ એક મોબાઈલની દુકાનમાંથી એક ૨૦ હજાર ઉપરાંતની કિંમતના મોબાઈલની ચોરી પણ કરી હોવાનું પોલીસ સમક્ષ ઝડપાયેલ લુટારૂ દ્વારા કબુલાતમાં બહાર આવ્યું હતું.