દાહોદ તાલુકાના રાબડાળ ગામેથી પોલીસે રૂા. ૩૯ હજારના વિદેશી દારૂના જથ્થા સાથે પીકઅપ ફોર વ્હીલર ગાડી ઝડપી પાડી

રિપોર્ટર : ગગન સોની

દાહોદ તા.૦૭

દાહોદ તાલુકા પોલીસે પેટ્રોલિગ દરમિયાન રાબડાલ ગામે હાઇવે પરથી પીકપ ગાડીમાં ભરી લઈ જવાતો રૂા. ૩૯,૧૬૮ ની કિંમતનો વિદેશી દારૂનો જથ્થો ઝડપી પાડ્યો હતો.

દાહોદ તાલુકા પોલીસ રાબડાલ ગામે પેટ્રોલીગ કરી રહી હતી તેવા સમયે તાલુકા પોલીસના માણસોને ખાનગી રાહે બાતમી મળી કે રાબડાલ ઘાટાપીર હાઇવે પરથી સંજયભાઈ સુરાભાઈ જાતે સાનિયા રહેવાસી સાયલા નવાગઢ મુળી દરવાજા બહાર તાલુકા સાયલા જિલ્લા સુરેન્દ્રનગર જેઓ પોતાની કબજાની પિકઅપ ગાડીમાંથી ભારતીય બનાવટ નો વિદેશી દારૂ લઈ પસાર થઈ રહ્યો છે જેવી બાતમી મળતા બાતમી વાળી જગ્યા ઉપર વોચ ગોથવી બાતમીમાં દર્શવેલ પીકઅપ ગાડી આવતા પીકઅપ ગાડીને ઈસારો કરતા પીકઅપ ગાડી દૂર જઈ ઉભી રાખી હતી ત્યારે પોલીસે પીકઅપ ગાડીની તલાસી લેતા પીક અપ ગાડીમાંથી ભારતીય બનાવટની વિદેશી દારૂનો જથ્થો મળી આવ્યો હતો જેની કુલ કિંમત ૩૯,૧૬૮ જાણવા મળી છે જે આરોપીને તાલુકા પોલીસે મુદ્દામાલ સાથે ઝડપી પ્રોહીએક્ટ મુંજબનો ગુન્હો નોધી કાયદેસરની કાર્યવાહી કરી વધુ તપાસ હાથ ધરી છે.