કઠલાલ ચોકડી ઉપર આઇસર ચાલકે બાઈકને ટક્કર મારતાં બાળકીનુ મોત નિપજ્યું
નરેશ ગનવાણી બ્યુરો ચીફ નડિયાદ
કપડવંજના અગ્રાજીના મૂવાડામાં રહેતા કાળુસિંહ સોલંકી ગુરૂવાર બપોર ના અરસામાં બાઇક પર માતા કમળાબેન અનેતેમના પુત્ર કુણાલ ઉં.૪ને બેસાડી કઠલાલના અભ્રીપુર જવા નીકળ્યા હતા. નજીકમાં હોળીનો તહેવાર આવતો હોવાથી બહેનના ઘરે ખજૂર અને ઘાણી આપવા માટે જતા હતા. દરમિયાન ગુરુવારે બપોરના અરસામાં કપડવંજ-નડિયાદ રોડ પરની કઠલાલ ચોકડી ઉપર પસાર થતા હતા. તે સમયે આઇસરના ચાલકે બાઇકને પાછળથી અડફેટે મારી અકસ્માત સર્જાયો હતો. અકસ્માતમાં બાઇક પર સવાર ત્રણેય વ્યક્તિ રોડ પર પટકાતા કૃણાલ ઉં.૪ પર આઇસર પસાર થઇ જતા બનાવ સ્થળે કરૂણ મોત નિપજયુ હતુ. જ્યારે માતા કમળાબેને અને પુત્ર કાળુસિંહને શરીરે ઈજા પહોંચી હતી. આ સમગ્ર બનાવ અંગે કઠલાલ પોલીસે આઇસરના ચાલક વિરૂધ્ધ ગુનો નોંધી વધુ તપાસ હાથ ધરી છે.
