ફતેપુરા તાલુકાના સુખસર પોલીસ સ્ટેશનમાં પી.એસ.આઇ ની અધ્યક્ષતામાં શાંતિ સમિતિની બેઠક યોજાઈ.
ફતેપુરા પ્રતિનિધિ શબ્બીરભાઈ સુનેલવાલા
ફતેપુરા તાલુકાના સુખસર પોલીસ સ્ટેશનમાં પી.એસ.આઇ ની અધ્યક્ષતામાં શાંતિ સમિતિની બેઠક યોજાઈ.
આગામી સમયમાં આવનાર હિન્દુ-મુસ્લિમ સમાજના તહેવારો નિમિત્તે શાંતિ અને સુરક્ષા માટે ઉપસ્થિત આગેવાનોને આહવાન કરાયુંઆગામી સમયમાં હિન્દુ-મુસ્લિમ સમાજના તહેવારોને નજર સામે રાખી સુખસર પોલીસ સ્ટેશન દ્વારા ગુરૂવારના રોજ પોલીસ સ્ટેશન ખાતે શાંતિ સમિતિની બેઠકનું આયોજન કરવામાં આવ્યું હતું.અને સુખસર ખાતે ગૌરવપૂર્ણ પરંપરા મુજબ સૌહાર્દ પૂર્ણ વાતાવરણમાં એકબીજા સમાજને હળી મળીને તહેવારોની ઉજવણી કરવા સુખસર પી.એસ.આઇ દ્વારા ઉપસ્થિત ગ્રામજનોને આહવાન કરવામાં આવ્યું હતું. શાંતિ સમિતિની બેઠક દરમિયાન સુખસર પી.એસ.આઇ બી.જી ભરવાડ દ્વારા ગામની સ્થિતિ અને અગાઉના હિન્દુ-મુસ્લિમ તહેવારો નિમિત્તેના વાતાવરણ વિશે જાણકારી મેળવી હતી.તેમજ સુખસરમાં હિન્દુ-મુસ્લિમ સમાજના પર્વ દરમિયાન ગામમાં શાંતિ અને સુરક્ષા માટે પૂરતો બંદોબસ્ત આપવા પણ જણાવ્યું હતું.તેમજ અસામાજિક તત્વો ઉપર કડક નજર રાખવામાં આવશે તેમ પણ જણાવ્યું હતું.જ્યારે હિન્દુ મુસ્લિમ સમાજના ઉપસ્થિત આગેવાનોએ શાંતિ સમિતિની બેઠક દરમિયાન તમામ ધર્મ કોમ થી ભાઈચારો અને સૌહાર્દ સાથે જે-તે ધર્મના પર્વ દરમિયાન સહભાગીદારીથી તહેવારોની ઉજવણી કરવા બાહેધરી આપી હતી.અને હિન્દુ- મુસ્લિમ તહેવારો નિમિત્તે કોઈ સમસ્યા ઊભી થાય નહીં તેની પણ બાહેધરી આપી હતી.તેમજ અગાઉ જે-તે સમાજના કોઈપણ પર્વ દરમિયાન સુખસર ગામમાં ભાઈચારાથી તહેવારની ઉજવણી થતી આવેલ હોવાનું જણાવ્યું હતું.
