દાહોદ જિલ્લાના ધાનપુરના ઘોડાઝર ગામેથી પોલીસે રૂા. ૧.૯૨ લાખ ઉપરાંતનો વિદેશી દારૂ ઝડપી પાડ્યો

દાહોદ તા.૧૨

દાહોદ જિલ્લાના ધાનપુર તાલુકાના ઘોડાઝર ગામેથી દાહોદ એલ.સી.બી. પોલીસે એક તુફાન ફોર વ્હીલર ગાડીમાંથી રૂા. ૧,૯૨,૭૫૦ના પ્રોહી જથ્થા તેમજ ગાડીની કિંમત મળી કુલ રૂા. ૩,૯૨,૭૫૦ના જથ્થો કબજે કર્યાનું જ્યારે અંધારાનો લાભ લઈ ગાડીનો ચાલક નાસી ગયાંનું જાણવા મળે છે. ગત તા.૧૦મી ઓક્ટોમ્બરના રોજ દાહોદ એલ.સી.બી. પોલીસને મળેલ બાતમીના આધારે ધાનપુર તાલુકાના ઘોડાઝર ગામે ચોકડીથી આગાસવાણી લદોડીયા ફળિયાના રસ્તા પર નાકાબંધી કરી આવતાં જતાં તમામ નાના મોટા વાહનોની તલાસી હાથ ધરતાં હતાં તે સમયે બાતમીમાં દર્શાવેલ એક તુફાન ફોર વ્હીલર ગાડી ત્યાંથી પસાર થતાં પોલીસ સાબદી બની હતી. પોલીસને દુરથી જાેઈ લેતાં ગાડીના ચાલક રમેશભાઈ સુક્રમભાઈ બારીયા (રહે. વટેડા, તા.લીમખેડા, જિ.દાહોદ) નો અંધારાનો લાભ લઈ નાસી જવામાં સફળ રહ્યો હતો. પોલીસે તુફાન ફોર વ્હીલર ગાડીમાંથી વિદેશી દારૂ તથા બીયરની કુલ બોટલો નંગ. ૧૪૫૮ કિંમત રૂા. ૧,૯૨,૭૫૦ના પ્રોહી જથ્થા સાથે તુફાન ફોર વ્હીલર ગાડીની કિંમત મળી પોલીસે કુલ રૂા.૩,૯૨,૭૫૦નો મુદ્દામાલ કબજે કરી આ સંબંધે ધાનપુર પોલીસે પ્રોહીનો ગુનો નોંધી આગળની કાયદેસરની કાર્યવાહી હાથ ધરી છે.