નડિયાદ પાસે મીની બસમા આગ લાગી, પંદર મુસાફરોનો આબાદ બચા
નરેશ ગનવાણી નડિયાદ
નડિયાદ પાસે વડોદરા-અમદાવાદ એક્સપ્રેસ હાઇવે પર સુરતથી અમદાવાદ તરફ જતી મીની બસમાં એકાએક આગ લાગી હતી. જેમા ૧૫ મુસાફરોને સુરક્ષિત બહાર કાઢી ઉતારી લેવાયા હતા ફાયર બ્રિગેડની ટીમ સ્થળ પર પહોંચી આગને કાબુમાં લીધી હતી.
રવિવારે સવારે નડિયાદ પાસેથી પસાર થતા વડોદરા-અમદાવાદ એક્સપ્રેસ હાઇવે પર સુરતથી અમદાવાદ તરફ જતી મીની બસમાં એકાએક આગ લાગી હતી. જેથી વાહન ચાલકે મિની બસને ઉભી કરી બસમાં સવાર તમામ મુસાફરોને બહાર ઉતાર્યા હતા. ઘટનાની જાણ નડિયાદ ફાયરની ટીમને થતાં ફાયરના કર્મીઓ દોડી આવ્યા હતા અને પાણીનો છંટકાવ કરી આગ પર કાબુ મેળવ્યો હતો. બસના ચાલકે જણાવ્યું હતું કે, સુરતથી અમદાવાદ શ્રીમંત પ્રસંગમાં જતા હતા ત્યારે નડિયાદ નજીક આ હાઈવે પર વાહનમાં અચાનક ધૂમાડા દેખાતા મે તુરંત ઈમરજન્સી લેન પર વાહન પાર્ક કરી બસમાં સવાર અંદાજીત ૧૫ જેટલા મુસાફરોને બહાર કાઢી દેવાયા હતા. માટે મોટી જાનહાનિ થતાં અટકી છે. આ ઘટનામાં મીની બસ બળીને ખાખ થઇ ગઇ છે. તો મીની બસમાં શોર્ટ સર્કિટથી આગ લાગ્યા હોવાનું પ્રાથમિક અનુમાન ફાયર વિભાગના કર્મચારીઓએ જણાવ્યું છે.
