લીમખેડા ખાતે ઔદ્યોગિક રોજગાર ભરતી મેળો, સ્વરોજગાર માર્ગદર્શન શિબિર તેમજ અનુબંધમ પોર્ટલ પર નામ નોંધણી કેમ્પ યોજાશે

દાહોદ તા.૨૨

જિલ્લા રોજગાર વિનિમય કચેરી, દાહોદ દ્વારા દાહોદ જિલ્લાના લીમખેડા તાલુકામાં સરકારી આઈ. ટી. આઈ. લીમખેડા ખાતે ઔદ્યોગિક રોજગાર ભરતી મેળો, અનુંબધમ નામ-નોંધણી કેમ્પ અને સ્વ-રોજગાર માર્ગદર્શન શિબિરનું આયોજન કરવામાં આવેલ છે.

આ કેમ્પમાં ઉમેદવારોએ ખાનગી ક્ષેત્રમાં રોજગારી માટે ૮ પાસ, સિક્યુરિટી ગાર્ડ, આઈ. ટી. આઈ. ઓલ ટ્રેડ, અને ધોરણ ૧૦/૧૨ પાસ /ડિપ્લોમા / ગ્રેજ્યુએટ / પોસ્ટ ગ્રેજ્યુએટ જેવી ટેક્નિકલ અને નોન ટેક્નિકલ જગ્યાઓ માટે અનુભવી તથા બિન અનુભવી લાયકાત ધરાવતા ઉમેદવારોને રોજગારીની તક પુરી પાડવામાં આવશે.

આ ભરતી મેળામાં ઉપરોક્ત જણાવેલ અભ્યાસ ધરાવતા મહિલા તથા પુરુષ ૧૮ થી ૩૫ વર્ષની વય મર્યાદા ધરાવતા ઉમેદવારો હોય તેઓ જ ભાગ લઈ શકશે. રોજગાર ભરતી મેળામાં ઉમેદવારોએ પોતાના બાયોડેટા સાથે સ્વખર્ચે તારીખ ૨૪-૧૨-૨૦૨૪ ના રોજ સરકારી આઈ. ટી. આઈ. લીમખેડા ખાતે સવારે ૧૧ કલાકે હાજર રહેવા રોજગાર અધિકારીશ્રી દાહોદ દ્વારા જણાવાયું છે.