ગરબાડાના બાવકા ગામે મોટરસાઈક સ્લીપ ખાઈ જતાં મોટરસાઈકલના ચાલકનું મોત નીપજ્યું

દાહોદ તા.૦૨

દાહોદ જિલ્લાના ગરબાડા તાલુકાના બાવકા ગામે એક મોટરસાયકલ ના ચાલાકે પોતાના કપડાની મોટરસાયકલ ઝડપે હંકારી લાવતા મોટરસાયકલ સ્લીપ ખાઈ લેતા મોટરસાયકલ ના ચાલક ને શરીર ગંભીર ઇજાઓ પહોંચતા મોત નીપજ્યાનો જાણવા મળે છે. ગત તારીખ ૩૧મી ડિસેમ્બરના રોજ ગરબાડા ના બાવકા ગામે નાની નાડ ફળિયામાં રહેતા હિમસિંગભાઈ નરસિંહભાઈ માવી પોતાના કબજાની મોટરસાયકલ લઈ ગરબાડાના બાવકા ગામે મુલકા ફળિયા તળાવ પાસેથી પસાર થઈ રહ્યા હતા તે સમયે હિમસિંગભાઈ મોટરસાયકલ ને વધુ પડતી ઝડપ ના કારણે હિમસિંગભાઈ એ મોટરસાયકલ પરના સ્ટેરીંગ પરનો કાબુ ગુમાવી દેતા મોટરસાયકલ સ્લીપ ખાઈ ગઈ હતી જેને પગલે હિમસિંગભાઈ મોટરસાયકલ પરથી ફંગોળાઈ જમીન પર પટકાતા હિમસિંગભાઈ ને શરીર, હાથે પગે તેમજ માથાના ભાગે ગંભીર જીવલેણ ઇજાઓ પહોંચતા હિમસિંગભાઈ નું મોત નીપજ્યું હતું.

આ સંબંધે અજીતસિંહ હિમસિંગભાઈ માવીએ જેસાવાડા પોલીસ મથકે ફરિયાદ નોંધાવતા પોલીસે ગુનો નોંધી આગળની કાયદેસરની કાર્યવાહી હાથ ધરી છે.