લીમખેડાના નેશનલ હાઈવે રોડ પરથી પોલીસે રૂા.૨૯.૫૩ લાખના વિદેશી દારૂના જથ્થા સાથે ટ્રક ઝડપી પાડી

દાહોદ તા.૨૦

દાહોદ જિલ્લાના લીમખેડામાંથી ગોધરા તરફ પસાર થતાં નેશનલ હાઈવે રોડ પર ગતરોજ પોલીસે નાકાબંધી કરી આવતાં જતાં તમામ નાના મોટા વાહનોની તલાસી હાથ ધરતાં હતાં તે સમયે ત્યાંથી બાતમીમાં દર્શાવેલ એક ટ્રક પસાર થતાં પોલીસ સાબદી બની હતી જ્યાં ટ્રક નજીક આવતાંની સાથે પોલીસે તેને ચારેય તરફથી ઘેરી લઈ ટ્રકના ચાલક રાહુલકુમાર ઉર્ફે હુકલો દુર્ગારામ બિશ્નોઈ (રહે.રાજસ્થાન)ની પોલીસે પુછપરછ કરતાં પોલીસને સંતોષકારક જવાબ મળ્યો ન હતો જેથી પોલીસે ટ્રકની તલાસી લેતાં પોલીસ ચોંકી ઉઠી હતી. ટ્રકમાંથી પોલીસે વિદેશી દારૂની પેટીઓ નંગ.૫૮૨ જેમાં બોટલો નંગ.૨૧૪૦૮ કિંમત રૂા.૨૯,૫૩,૯૨૦ના પ્રોહી જથ્થા સાથે ટ્રકની કિંમત મળી પોલીસે કુલ રૂા.૪૯,૬૩,૯૨૦નો મુદ્દામાલ કબજે કરી ઉપરોક્ત ઝડપાયેલ ટ્રકના ચાલકની પુછપરછ કરતાં આ વિદેશી દારૂની હેરાફેરીમાં એક વોન્ટેડ આરોપી, ભગતસીંહ રાજપુત, વિદેશી દારૂ ભરી આપનાર પાયલોટીંગ કરી રહેલ નંબર વગરની ફોર વ્હીલર ગાડીનો ચાલક કૈલાશ અને આ વિદેશી દારૂ મંગાવનાર ગોધરાનો એક ઈસમ મળી કુલ ૪ ઈસમોના એકબીજાના મેળાપીપણામાં આ વિદેશી દારૂની હેરાફેરી કરતો હોવાનું પોલીસ સમક્ષ કબુલાત કરતાં આ સંબંધે દાહોદ એલસીબી પોલીસે લીમખેડા પોલીસ મથકે ફરિયાદ નોંધાંવતાં પોલીસે પ્રોહીબીશનનો ગુનો નોંધી આગળની કાયદેસરની કાર્યવાહી હાથ ધરી છે.