લીમખેડાના ખીરખાઈ ગામે એક મોટરસાઈકલના ચાલકે સામેથી આવતી અન્ય એક મોટરસાઈકલને અડફેટમાં લેતાં ચાલકનું મોત : બે ઈજાગ્રસ્ત

દાહોદ તા.૨૬

દાહોદ જિલ્લાના લીમખેડા તાલુકાના ખીરખાઈ ગામે એક મોટરસાઈકલના ચાલકે સામેથી આવતી અન્ય એક મોટરસાઈકલને જાેશભેર ટક્કર મારતાં મોટરસાઈકલ ચાલકનું શરીરે ગંભીર ઈજાઓને પગલે મોત નીપજ્યું હતું જ્યારે તેમની સાથેની એક ૦૩ વર્ષિય બાળક સહિત એક મહિલાને શરીરે ઈજાઓ પહોંચતાં ઈજાગ્રસ્ત બાળકીને સારવાર માટે નજીકના દવાખાને લઈ જવામાં આવી હોવાનું જાણવા મળે છે.

ગત તા.૨૨મી માર્ચના રોજ લીમખેડાના ખીરખાઈ ગામેથી એક મોટરસાઈકલનો ચાલક પોતાના કબજાની મોટરસાઈકલ પુરઝડપે અને ગફલત ભરી રીતે હંકારી પસાર થઈ રહ્યો હતો ત્યારે સામેથી આવતાં દિનેશભાઈ રાજેશભાઈ ડાંગી (રહે.ખીરખાઈ, તા.લીમખેડા, જિ.દાહોદ)ની મોટરસાઈકલને જાેશભેર ટક્કર મારતાં દિનેશભાઈ તથા તેમની સાથેના મનિષાબેન તથા ૦૩ વર્ષિય રાજ મોટરસાઈકલ પરથી ફંગોળાઈ જમીન પર પટકાયાં હતાં. આ માર્ગ અકસ્માતને પગલે ઘટના સ્થળ પર પરિવારજનો તેમજ આસપાસના લોકો ઉમટી પડ્યાં હતાં. ઈજાગ્રસ્ત ઉપરોક્ત ત્રણેય વ્યક્તિઓને નજીકના દવાખાને સારવાર માટે લઈ જવામાં આવ્યાં હતાં. જ્યાં સારવાર દરમ્યાન દિનેશભાઈનું મોત નીપજ્યું હતું.

આ સંબંધે રાદેશભાઈ છત્રસીંહ ડાંગીએ લીમખેડા પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.