દેવગઢ બારીઆના દેગાવાડા ગામે પીકઅપ બોલેરો ગાડીના ચાલકે મોટરસાઈકલના ચાલકને અડફેટમાં લેતાં મોત

દાહોદ તા.૩૦

દાહોદ જિલ્લાના દેવગઢ બારીઆ તાલુકાના દેગાવાડા ગામે એક પીકઅપ બોલેરો ફોર વ્હીલર ગાડીના ચાલકે એક મોટરસાઈકલના ચાલકને અડફેટમાં લેતાં મોટરસાઈકલના ચાલકનું મોત નીપજ્યાંનું જાણવા મળે છે. ગત તા.૨૮મી મેના રોજ એક પીકઅપ ગાડીના ચાલકે પોતાના કબજાની ફોર વ્હીલર ગાડી દેવગઢ બારીઆના દેગાવાડા ગામેથી પુરઝડપે અને ગફલત ભરી રીતે હંકારી પસાર થઈ રહ્યો હતો. તે સમયે ત્યાંથી મોટરસાઈકલ લઈ પસાર થઈ રહેલાં ધાનપુરના વેડ ગામે ડુંગર ફળિયામાં રહેતાં જશવંતસિંહ ઉર્ફે લાલો લક્ષ્મણસિંહ ચૌહાણની મોટરસાઈકલને અડફેટમાં લઈ જાેશભેર ટક્કર મારતાં જશવંતસિંહ ઉર્ફે લાલાભાઈ મોટરસાઈકલ પરથી ફંગોળાઈ જમીન પર પટકાયાં હતાં જેને પગલે તેઓને શરીરે, હાથે પગે તેમજ માથાના ભાગે ગંભીર જીવલેણ ઈજાઓ પહોંચતાં તેમનું મોત નીપજ્યું હતું જ્યારે પીકઅપ ફોર વ્હીલર ગાડીનો ચાલક પોતાના કબજાની પીકઅપ ફોર વ્હીલર ગાડી લઈ નાસી ગયો હતો.

આ સંબંધે લક્ષ્મણસિંહ નરવતસિંહ ચૌહાણે દેવગઢ બારીઆ પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.