દાહોદના કાળી તળાઈ ગામેથી પસાર થતાં ઈન્દૌર અમદાવાદ નેશનલ હાઈવે પરથી પોલીસે એક ક્રુઝર ફોર વ્હીલર ગાડીમાંથી રૂા.૨.૫૪ લાખ ઉપરાંતના વિદેશી દારૂના જથ્થા સાથે ક્રુઝર ફોર વ્હીલર ગાડી કબજે કરી

દાહોદ તા.૦૫

દાહોદ તાલુકાના કાળી તળાઈ ગામેથી પસાર થતાં ઈન્દૌર અમદાવાદ નેશનલ હાઈવે પરથી પોલીસે એક ક્રુઝર ફોર વ્હીલર ગાડીમાંથી વિદેશી દારૂ તથા બીયરનો રૂા.૨,૫૪,૧૧૨ના પ્રોહી જથ્થા સાથે ક્રુઝર ફોર વ્હીલર ગાડીની કિંમત મળી પોલીસે કુલ રૂા.૫,૫૪,૧૧૨નો મુદ્દામાલ કબજે કર્યાનું જ્યારે પોલીસને ચકમો આપી ક્રુઝર ફોર વ્હીલર ગાડીનો ચાલક નાસી ગયાંનું જાણવા મળે છે. ગત તા.૦૪ જુનના રોજ દાહોદ તાલુકા પોલીસને મળેલ બાતમીના આધારે દાહોદના કાળી તળાઈ ગામેથી પસાર થતાં ઈન્દૌર અમદાવાદ નેશનલ હાઈવે પર નાકાબંધી કરી આવતાં જતાં તમામ નાના મોટા વાહનોની તલાસી હાથ ધરતાં હતાં તે સમયે બાતમીમાં દર્શાવેલ એક ક્રુઝર ફોર વ્હીલર ગાડી ત્યાંથી પસાર થતાં પોલીસ સાબદી બની હતી અને દુરથી ગાડીને ઉભી રાખવાનો પોલીસે ઈશારો કરતાં ક્રુઝર ફોર વ્હીલર ગાડીના ચાલકે પોતાના કબજાની ક્રુઝર ફોર વ્હીલર ગાડી સ્થળ પર મુકી નાસી ગયો હતો. પોલીસે ક્રુઝર ફોર વ્હીલર ગાડીની તલાસી લેતાં તેમાંથી વિદેશી દારૂ તથા બીયરની બોટલો નંગ.૧૬૦૮ કિંમત રૂા.૨,૫૪,૧૧૨ના પ્રોહી જથ્થા સાથે ક્રુઝર ફોર વ્હીલર ગાડીની કિંમત મળી પોલીસે કુલ રૂા.૫.૫૪,૧૧૨નો મુદ્દામાલ કબજે કરી આ સંબંધે દાહોદ તાલુકા પોલીસે પ્રોહીબીશનનો ગુનો નોંધી આગળની કાયદેસરની કાર્યવાહી હાથ ધરી છે.