દાહોદના પુસરી ગામે મોટરસાઈકલ સ્લીપ ખાઈ જતાં મોટરસાઈકલ પાછળ બેઠેલ વ્યક્તિનું મોત નીપજ્યું

દાહોદ તા.૧૧

દાહોદ તાલુકાના પુસરી ગામ નજીક એક મોટરસાઈકલના ચાલકે રસ્તા પરથી પસાર થતી ગાય સાથે મોટરસાઈકલ ધડાકાભેર અથડાવતાં મોટરસાઈકલની પાછળ બેઠેલ એક યુવકનું ગંભીર ઈજાઓને પગલે મોત નીપજ્યાંનું જાણવા મળે છે.

દાહોદ શહેરમાં ચાકલીયા રોડ ખાતે શ્રી જી એપાર્ટમેન્ટમાં રહેતો પાર્થભાઈ ભરતભાઈ ચૌહાણ ગત તા.૯મી જુનના રોજ પોતાના કબજાની મોટરસાઈકલ પાછળ કેયુરભાઈ સુરેશભાઈ પટેલ (રહે.વડોદરા)ને બેસાડી દાહોદના પુસરી ગામેથી પુરઝડપે અને ગફલત ભરી રીતે હંકારી પસાર થઈ રહ્યો હતો. તે સમયે રસ્તાની વચ્ચે અચાનક ગાય આવી જતાં પાર્થભાઈએ પોતાના કબજાની મોટરસાઈકલ પરના સ્ટેરીંગ પરનો કાબુ ગુમાવી દેતાં મોટરસાઈકલ સ્લીપ ખાઈ ગઈ હતી અને જેને પગલે મોટરસાઈકલની પાછળ બેઠેલ કેયુરભાઈ જમીન પર ફંગોળાતાં તેઓને શરીરે, હાથે પગે તેમજ માથાના ભાગે ગંભીર જીવલેણ ઈજાઓ પહોંચતાં તેમનું મોત નીપજ્યું હતું.

આ સંબંધે ચિરાગકુમાર સુરેશભાઈ પટેલે દાહોદ તાલુકા પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.