માઈક્રોફાઈનાન્સ ઈન્ડસ્ટ્રી નેટવર્ક દ્વારા સાંસ્કૃતિક અને કોમ્યુનિટી સેન્ટર સહ આદિવાસી ભવન ખાતે માઇક્રોફાઈનાન્સ ઈન્ડસ્ટ્રી નેટવર્ક (MFIN) હેઠળ એક જાગૃતિ કાર્યક્રમ યોજવામાં આવ્યો : ઋણ ધારકોએ લોન માફી અંગે કોઈપણ ખોટી માહિતીનો શિકાર ન બનવું જોઈએ અને ગેરમાર્ગે દોરવા જોઈએ નહીં : પરમાર (LDM,બીઓબી,દાહોદ)

દાહોદ તા.૨૦

માઈક્રોફાઈનાન્સ ઈન્ડસ્ટ્રી નેટવર્ક (MFIN) કે જે ભારતીય રિઝર્વ બેંક દ્વારા માન્યતા પ્રાપ્ત NBFC-MFI માટે રાષ્ટ્રીય સ્તરનું સ્વ-સમુદાય સંગઠન છે. એ તરફથી દાહોદ જિલ્લામાં સાંસ્કૃતિક અને કોમ્યુનિટી સેન્ટર સહ આદિવાસી ભવન ખાતે માઇક્રોફાઈનાન્સ ઈન્ડસ્ટ્રી નેટવર્ક (MFIN) હેઠળ એક જાગૃતિ કાર્યક્રમનું આયોજન કરવામાં આવ્યું હતું..

આ કાર્યક્રમનું શ્રી જે.એસ. પરમાર (લીડ ડિસ્ટ્રિક્ટ મેનેજર, બેંક ઓફ બરોડા), દાહોદ, શ્રી રાહુલ ડી. બાંગર (ડીડીએમ, નાબાર્ડ, દાહોદ), શ્રી ભરત બગોરા (પોલીસ સબ-ઈન્સ્પેક્ટર, દાહોદ), શ્રી દેવે શાહપુરકર (VP, પશ્ચિમ ક્ષેત્ર, MFIN) અને શ્રી સંજીવ મિશ્રા (COO, Namra Finance) એ ઉદ્ઘાટન કર્યું હતું.
આ કાર્યક્રમનો મુખ્ય ઉદ્દેશ્ય લોકોને નાણાકીય બાબતોની વધુ સારી સમજ પૂરી પાડવાનો હતો. જે આ મુજબ છે.

• બચત યોજનાઓ અને રોકાણ વિકલ્પો વિશે માહિતી પૂરી પાડવી.
• લોન લેવા અને ચૂકવવા અંગે માર્ગદર્શન પૂરું પાડવું.
• વિવિધ પ્રકારની સરકારી વીમા યોજનાઓ વિશે માહિતી પૂરી પાડવી.
• નાણાકીય છેતરપિંડી ટાળવા માટે જરૂરી સાવચેતીઓ પર શિક્ષણ પૂરું પાડવું.

આ કાર્યક્રમમાં મહિલા ઋણ ધારકોની સક્રિય ભાગીદારી જોવા મળી હતી. શ્રી જે.એસ. પરમાર (લીડ ડિસ્ટ્રિક્ટ મેનેજર, બેંક ઓફ બરોડા, દાહોદ) એ બજેટ અને ખર્ચની યોગ્ય આયોજન કરવાની ભલામણ કરી હતી. તેમણે ઋણ વાસ્તવિક જરૂરિયાત અને ચુકવણી ક્ષમતા પર આધારિત હોવું જોઈએ એમ જણાવ્યું હતું. તેમણે ભાર મૂક્યો હતો કે, RBI દ્વારા માન્યતા પ્રાપ્ત સંસ્થાઓ MFI, RBI ના નિર્દેશો અને માર્ગદર્શિકાઓનું પાલન કરી રહી છે. ઋણ ધારકોએ લોન માફી અંગે કોઈપણ ખોટી માહિતીનો શિકાર ન બનવું જોઈએ અને ગેરમાર્ગે દોરવા જોઈએ નહીં, અન્યથા તે તેમના ક્રેડિટ સ્કોરને અસર કરે છે તેમજ તેમને RE માટે ભવિષ્યમાં લોન મેળવવા માટે અયોગ્ય બનાવે છે.

તેમણે અર્થતંત્રમાં માઇક્રોફાઇનાન્સની ભૂમિકા પર પણ પ્રકાશ પાડ્યો હતો, ખાસ કરીને ગ્રામીણ વિસ્તારોમાં જ્યાં બેંકો પહોંચી શકતી નથી, પરંતુ MFI ઘરે-ઘરે જઈને સેવાઓ પૂરી પાડી રહ્યા છે. તેમણે લખપતિ દિવસ યોજના, PMJJY, PMJSY વગેરે પર ભાર મૂક્યો અને વિકસિત ભારતના 2047 ના વિઝનમાં MFI ના કરવામાં આવી રહેલ યોગદાનની પ્રશંસા કરી હતી.

શ્રી રાહુલ ડી. બાંગર (ડીડીએમ, નાબાર્ડ, દાહોદ) એ જણાવ્યું હતું કે, નાબાર્ડ માઇક્રોફાઇનાન્સમાં અગ્રેસર છે જે નાણાકીય સમાવેશના રાષ્ટ્રીય એજન્ડા માટે ખૂબ જ મહત્વપૂર્ણ છે. શરૂઆતમાં બેંકો માટે દૂરના વિસ્તારોમાં વંચિત લોકો સુધી પહોંચવું શક્ય નહોતું, એમએફઆઈએ નાબાર્ડ અને સિડબીની મદદથી પીએસએલ હેઠળ દેશના ગ્રામીણ વિસ્તારોમાં જઈને માઇક્રોફાઇનાન્સની પહોંચને સક્ષમ બનાવવાનું શરૂ કર્યું. તેમણે લોન વિતરણમાં કોઈ ઉતાવળ ન બતાવવા પર ભાર મુકતા એમએફઆઈએનને બ્લોક સ્તરે આવા વધુમાં વધુ કાર્યક્રમોનું આયોજન કરવાની સલાહ આપી હતી.

વધતી જતી છેતરપિંડીને ધ્યાનમાં રાખીને, શ્રી ભરત બાગોરા (પોલીસ સબ-ઇન્સ્પેક્ટર, દાહોદ પોલીસ) એ કહ્યું હતું કે, નાણાકીય છેતરપિંડીથી કેવી રીતે બચવું તે અંગે લોકોમાં જાગૃતિ લાવવાનો સમય આવી ગયો છે, ભ્રામક ઝુંબેશ (લોન માફીની અફવાઓ) સામે સાવધાની રાખવી જોઈએ, સહભાગીઓને મોબાઇલ ફોનના દુરુપયોગ, કેવાયસી શેર કરવા વગેરે વિશે ચેતવણી આપવી જોઈએ. આ ઘટનાઓની તાત્કાલિક કાયદા અમલીકરણ એજન્સીઓને જાણ કરવી જોઈએ. તેમણે દેવાદારોને નિયમિતપણે ચુકવણી કરવા અને આવી છેતરપિંડી વગેરે ટાળવા માટે જરૂરી પગલાં લેવાની સલાહ આપી. કોઈપણ સમસ્યાના કિસ્સામાં, તેઓએ જરૂરી સહાય માટે MFI નો સંપર્ક કરવો જોઈએ અથવા તો NBFC-MFI માટે MFIN ટોલ ફ્રી નંબર – 1800-1021-080 પર કોલ કરી જાણ કરવી જોઈએ. તેમણે સહભાગીઓને ડિજિટલ છેતરપિંડી, સાયબર સ્ટોકિંગ અને હેકિંગ, ડેટિંગ એપ્સ વિશે પણ સૌને જાણકારી આપી જાગૃત કર્યા હતા. અને નાણાકીય છેતરપિંડીની જાણ કરવા માટે 1930 પર સંપર્ક કરવાની સલાહ આપી હતી.

MFIN પ્રતિનિધિ શ્રી દેવેશ શાહપુરકરે જણાવ્યું હતું કે, આ નાણાકીય સાક્ષરતા કાર્યક્રમ સમાજના સામાન્ય તેમજ છેવાડાના-દૂરના વિસ્તારોમાં રહેતા લોકોને નાણાકીય સેવાઓ સાથે જોડવાનો તથા તેમને નાણાકીય વ્યવહારો, રોકાણો, વીમા અને છેતરપિંડી નિવારણ વિશે જાગૃત કરવાનો એક પ્રયાસ છે. MFIN દ્વારા ભવિષ્યમાં પણ આવા લોક જાગૃતિના કાર્યક્રમોનું આયોજન કરવામાં આવશે. આ અભિયાન એટલા માટે પણ કરવામાં આવી રહ્યું છે, કારણ કે, છેલ્લા ઘણા દિવસોથી આ વિસ્તારમાં અનધિકૃત વ્યક્તિઓ લોકોમાં ભ્રામક પ્રચાર ફેલાવી લોકોને ગુમરાહ કરી છેતરી રહ્યા છે. તેમણે દાહોદ જિલ્લાના કલેક્ટરશ્રી યોગેશ નિરગુડેનો જિલ્લાભરના નાગરિકોમાં જાગૃતિ કાર્યક્રમને પ્રોત્સાહન આપવા માટે તેમની પ્રતિબદ્ધતા બદલ આભાર માન્યો હતો અને પ્રશંસા કરી હતી.

સંજીવ મિશ્રા (COO, નમ્ર ફાઇનાન્સ) એ MFIN ના પ્રયાસોની પ્રશંસા કરી અને માન્યું કે, લોકોને મદદ કરવા અને સમાજના નબળા વર્ગોને મજબૂત અને વિકાસ કરવા માટે જાગૃતિ જરૂરી છે. તેમણે સ્પષ્ટપણે જણાવ્યું હતું કે, મહિલાઓએ પણ તેમના ઉદ્યોગ સાહસિકતાને આગળ વધારવા અને યોગ્ય લોન માટે અરજી કરવા માટે કૌશલ્ય વિકસાવવું જોઈએ. કાર્યક્રમમાં હાજર તમામ અધિકારીઓએ સામાન્ય લોકોમાં હાલમાં ચાલી રહેલા ‘દેવા મુક્તિ અભિયાન’ વિશે લોકોને જાગૃત કર્યા.

11 ડિસેમ્બર 2023 ના રોજ ભારતીય રિઝર્વ બેંક દ્વારા જારી કરાયેલ એક પ્રેસ રિલીઝ વાંચી સંભળાવી, જેમાં કહેવામાં આવ્યું હતું કે, “આરબીઆઈ લોન માફી પર અનધિકૃત ઝુંબેશ સામે ચેતવણી આપે છે. જનતાને ચેતવણી આપવામાં આવે છે કે, તેઓ આવા ખોટા અને ભ્રામક ઝુંબેશનો શિકાર ન બને અને આવી ઘટનાઓની પોલીસ વહીવટી તંત્રને જાણ કરે.” આવા ભ્રામક પ્રચાર ફેલાવતા આ વ્યક્તિઓ અને સંસ્થાઓ દ્વારા ગેરમાર્ગે દોરાઈને તમારું ભવિષ્ય બગાડશો નહીં.