દેવગઢ બારીયાના ડભવા ગામેથી પોલીસે એક ફોર વ્હીલર ગાડીમાંથી વિદેશી દારૂનો રૂા.૨,૭૯,૨૪૪ના પ્રોહી જથ્થા સાથે ફોર વ્હીલર ગાડી ઝડપી પાડી : ગાડીમાં સવાર બે ઇસમો ફરાર

દાહોદ તા.૦૪

દાહોદ જિલ્લાના દેવગઢ બારીઆ તાલુકાના ડભવા ગામેથી પોલીસે એક ફોર વ્હીલર ગાડીમાંથી વિદેશી દારૂ તથા બીયરનો રૂા.૨,૭૯,૨૪૪ના પ્રોહી જથ્થા સાથે ફોર વ્હીલર ગાડીની કિંમત મળી પોલીસે કુલ રૂા.૫,૭૯,૨૪૪નો મુદ્દામાલ ઝડપી પાડ્યાનું જાણવા મળે છે.

દાહોદ જિલ્લામાં પ્રોહીબીશનની પ્રવૃતિઓને અટકાવવા માટે દાહોદ જિલ્લા પોલીસ વડાની સુચના અને માર્ગદર્શન હેઠળ દાહોદ જિલ્લાની તમામ પોલીસ કામગીરી કરી રહી છે ત્યારે દેવગઢ બારીઆની સાટગાળા પોલીસ મથકના પોલીસ ઈન્સ્પેક્ટર જી.બી. પરમાર તથા તેમની ટીમને મળેલ બાતમીના આધારે ગતરોજ દેવગદઢ બારીઆના ડભવા ગામે નાકાબંધી કરી આવતાં જતાં તમામ નાના મોટા વાહનોની તલાસી હાથ ધરતાં હતાં તે સમયે ત્યાંથી બાતમીમાં દર્શાવેલ એક ફોર વ્હીલર ગાડી ત્યાંથી પસાર થઈ હતી. ફોર વ્હીલર ગાડીને દુરથી ઉભી રાખવાનો પોલીસે પ્રયાસ કરતાં ફોર વ્હીલર ગાડીમાં સવાર બે ઈસમો પોતાના કબજાની ફોર વ્હીલર ગાડી સ્થળ પર મુકી નાસી ગયાં હતાં. પોલીસે ફોર વ્હીલર ગાડીમાં તલાસી હાથ ધરતાં જેમાંથી પોલીસે વિદેશી દારૂ તથા બીયરની બોટલો નંગ.૧૩૯૬ કિંમત રૂા.૨,૭૯,૨૪૪ના પ્રોહી જથ્થા સાથે ફોર વ્હીલર ગાડીની કિંમત મળી પોલીસે કુલ રૂા.૫,૭૯,૨૪૪નો મુદ્દામાલ કબજે કરી આ સંબંધે સાગટાળા પોલીસે પ્રોહીબીશનનો ગુનો નોંધી આગળની કાયદેસરની કાર્યવાહી હાથ ધરી છે.