જિલ્લા સેવા સદન, દાહોદ ખાતે સાંસદ શ્રી જસવંતસિંહ ભાભોરની અધ્યક્ષતામાં દિશા કમિટીની બેઠક યોજાઇ : જિલ્લામાં કાર્યાન્વિત વિવિધ યોજનાઓ ઝડપભેર – સમયમર્યાદામાં પૂર્ણ કરવા જણાવતા સાંસદ શ્રી ભાભોર : સિંચાઇ યોજનાઓના લાભ સમયસર ખેડૂતો સુધી પહોંચતા કરવાનું જણાવતા રાજય મંત્રી શ્રી બચુભાઇ ખાબડ

દાહોદ તા.૨૨
જિલ્લા સેવા સદન, દાહોદ ખાતે સાંસદ શ્રી જસવંતસિંહ ભાભોરની અધ્યક્ષતામાં દિશા કમિટીની બેઠક યોજાઇ હતી. બેઠકમાં વિવિધ વિભાગોની યોજનાઓની સપ્ટેમ્બર અંત સુધીમાં કરવામાં આવેલી કામગીરીની સમીક્ષા કરવામાં આવી હતી. બેઠકમાં રાજયમંત્રી શ્રી બચુભાઇ ખાબડ સહિત ધારાસભ્યશ્રીઓ પણ ઉપસ્થિત રહ્યાં હતા.
ડ્રિસ્ટ્રીકટ ડેવલોપમેન્ટ એન્ડ કો.ઓર્ડીનેશન કમિટીની બેઠકમાં સાંસદ શ્રી ભાભોરે જણાવ્યું કે, જિલ્લામાં ચાલી રહેલી યોજનાઓની કામગીરી ઝડપભેર થવી જોઇએ અને સમયમર્યાદામાં યોજનાઓના લક્ષ્યાંક પૂરા થવા જોઇએ. તેમણે આવાસ, સિંચાઇ, કૃષિ, સ્માર્ટ સીટી અંતર્ગત થઇ રહેલી કામગીરી, આરોગ્ય, શિક્ષણ વગેરે ક્ષેત્રોમાં યોજનાઓની પ્રગતિ અને લક્ષ્યાંક સિદ્ધિ બાબત ચર્ચા-સમીક્ષા કરી હતી.
રાજયમંત્રી શ્રી બચુભાઇ ખાબડે બેઠકમાં યોજનાઓ ઝડપથી કાર્યાન્વિત કરી આટોપવામાં ઉપરાંત ગુણવત્તાભેર કામો કરવા પર ભાર મૂકયો હતો. તેમણે સિંચાઇ યોજનાઓની કામગીરી પણ ત્વરાથી કરવા જણાવ્યું હતું જેથી ખેડૂતો યોગ્ય સમયે તેનો લાભ ઉઠાવી શકે.
ખેતીવાડી અધિકારી શ્રી સુથારે માહિતી આપી હતી કે, આ વખતે આઇ ખેડૂત પોર્ટલ થકી ખેડૂતોઓ દ્વારા અરજીઓનું પ્રમાણ બમણું થયું છે અને વીસ હજાર કરતા પણ વધુ ખેડૂતોએ અરજી કરી છે.
બેઠકમાં જિલ્લા પંચાયત પ્રમુખ શ્રી યોગેશભાઇ પારગી, ધારાસભ્ય સર્વે શ્રી રમેશભાઇ કટારા, સુ શ્રી ચંદ્વિકાબેન બારીયા, શ્રી વજેસિંગભાઇ પણદા, કલેક્ટર શ્રી વિજય ખરાડી, નિવાસી અધિક કલેક્ટર શ્રી એમ.જે. દવે, ડીઆરડીએ નિયામક શ્રી સી.બી બલાત સહિતના અધિકારીઓ ઉપસ્થિત રહ્યાં હતા.
#Sindhuuday Dahod