દાહોદમાં વહેલી સવારે હીલ સ્ટેશન જેવો દ્રશ્ય સર્જાયું : ગાઢ ધુમ્મસને પગલે ઠંડીમાં વધારો

દાહોદ તા.૧૩
દાહોદમાં સતત બે દિવસ દરમ્યાન વાદળછાયા વાતાવરણ વચ્ચે શહેર સહિત જિલ્લામાં ઠંડીની સાથે સાથે વહેલી સવારે ગાઢ ધુમ્મસના દ્રશ્યો પણ સર્જાયા છે. ગાઢ ધુમ્મસના પગલે વાહન ચાલકોને અવર જવરમાં પણ વહેલી સવારે ધુમ્મસનો સામનો કરવો પડ્યો હતો તો બીજી તરફ ઠંડીના ચમકારા વચ્ચે લોકો ઠંડીમાં ધ્રુજતા પણ નજરે પડ્યા હતા.
ત્રણ દિવસ અગાઉ દાહોદ જિલ્લામાં કમોસમી વરસાદના પગલે અચાનક વાતાવરણમાં પલ્ટો આવ્યો હતો અને સતત ત્રણ દિવસના સમયગાળા દરમ્યાન પણ સુર્યનારાણે દર્શન ન દેતાં લોકોને ભારે ઠંડીનો અહેસાસ પણ થવા લાગ્યો છે. બીજી તરફ આજે સ્ટેશન રોડ, રેલ્વે સ્ટેશન તેમજ હાઈવે રસ્તા ઉપર વહેલી સવારે ભારે ગાઢ ધુમ્મસ જાેવા મળ્યા હતા. આ ધુમ્મસના પગલે લોકોને અવર જવરમાં પણ મુશ્કેલીનો સામનો કરવો પડ્યો હતો તો બીજી તરફ શહેરમાં વહેલી સવારે ઘણા સ્થળોએ હીલ સ્ટેશન જેવા દ્રશ્યો નજરે પડ્યા હતા. વહેલી સવારે મોનિર્‌ંાગ વોક કરવા નીકળેલા લોકોને પણ ઠંડીનો ભારે અહેસાસ થયો હતો તો રેલ્વે સ્ટેશન અને બસ સ્ટેશન ખાતેના મુસાફરોને પણ તાપણાનો સહાલો લેવો પડ્યો હતો.
#Sindhuuday Dahod