વધુ ૧૬ કોરોના પોઝીટીવ સાથે દાહોદ જિલ્લામાં કોરોનાનો કુલ આંકડો ૨૪૧૭

દાહોદ તા.૧૫

દાહોદ જિલ્લામાં આજે વધુ ૧૬ કોરોના દર્દીઓના સમાવેશ સાથે દાહોદ જિલ્લામાં કોરોના સંક્રમણના આંકડાઓ દિવસે દિવસે ઉતાર ચઢાવ વચ્ચે વધી રહ્યા છે. આ સાથે દાહોદ જિલ્લામાં કોરોનાનો કુલ આંકડો ૨૪૧૭ને પાર કરી ચુક્યો છે.

આ.ટી.પી.સી.આર.ના ૩૩૨ પૈકી ૧૨ અને રેપીટ ટેસ્ટના ૭૭૦ પૈકી ૦૪ મળી આજે દાહોદ જિલ્લામાં ૧૬ કેસો સામે આવ્યા છે. આ ૧૬ પૈકી દાહોદ અર્બનમાંથી ૦૪, દાહોદ ગ્રામ્યમાંથી ૦૧, ઝાલોદ અર્બનમાંથી ૦૪, ઝાલોદ ગ્રામ્યમાંથી ૦૧, લીમખેડામાંથી ૦૨, ધાનપુરમાંથી ૦૨ અને ફતેપુરમાંથી ૦૨ કેસનો સમાવેશ થાય છે. આજે વધુ ૧૩ દર્દીઓને હોસ્પિટલમાંથી રજા આપતાં એક્ટીવ કેસની સંખ્યા ૧૨૧ રહેવા પામી છે ત્યારે અત્યાર સુધી કોરોનાથી મૃતકોની સંખ્યા કુલ ૮૭ ને પાર થઈ ચુકી છે.
#Sindhuuday Dahod