શીંગેડી ગામે મોટરસાઈકલની અડફેટે એકનું મોત

દાહોદ તા.૦૫
દેવગઢ બારીઆ તાલુકાના શીંગેડી ગામે એક મોટરસાઈકલના ચાલકે પોતાના કબજાની મોટરસાઈકલ પુરઝડપે અને ગફલત ભરી રીતે હંકારી લાવી રસ્તાની સાઈડમાં મોટરસાઈકલ લઈ ઉભા રહેલા એક અન્ય મોટરસાઈકલના ચાલકને અડફેટમાં લઈ જાેશભેર ટક્કર મારી નાસી જતાં શરીરે ગંભીર ઈજાઓને પગલે મોત નીપજતાં આ સંબંધે પોલીસમાં ફરિયાદ નોંધાયાનું જાણવા મળે છે.
દેવગઢ બારીઆ તાલુકાના બૈણા ગામે નિશાળ ફળિયામાં રહેતા સબુરભાઈ શંકરભાઈ પટેલ ગત તા.૦૪ એપ્રિલના રોજ પોતાના કબજાની મોટરસાઈકલ લઈ શીંગેડી ગામેથી પસાર થઈ રહ્યાં હતાં. આ દરમ્યાન રસ્તામાં તેઓ મોટરસાઈકલ ઉભી રાખી રસ્તાની સાઈડમાં લઘુશંકા માટે ગયાં હતાં. આ સમયે ત્યાંથી એક મોટરસાઈકલના ચાલકે પોતાના કબજાની મોટરસાઈકલ પુરઝડપે અને ગફલત ભરી રીતે હંકારી લાવી લઘુશંકા કરી રહેલ સબુરભાઈને અડફેટમાં લઈ જાેશભેર ટક્કર મારી નાસી જતાં સબુરભાઈને શરીરે તેમજ માથાના ભાગે ગંભીર જીવલેણ ઈજાઓ પહોંચાડી હતી અને તેઓને શરીરે, હાથે પગે અને માથાના ભાગે ઈજાઓ પહોંચતાં તેઓનું મોત નીપજ્યું હતું.
આ સંબંધે બૈણા ગામે નિશાળ ફળિયામાં રહેતા જુવાનસિંગભાઈ શંકરભાઈ પટેલે દેવગઢ બારીઆ પોલીસ મથકે ફરિયાદ નોંધાવતાં પોલીસે ગુનો નોંધી આગળની તપાસ હાથ ધરી છે.