ફતેપુરાના ઝાલોદથી સુખસર જતાં માર્ગ પરથી પોલીસે કુલ રૂા.૩.૨૪ લાખના વિદેશી દારૂના જથ્થા સાથે એક ટ્રક ઝડપી પાડી : બે જણાની અટકાયત

દાહોદ તા.૧૮

દાહોદ જિલ્લાના ફતેપુરા તાલુકાના ઝાલોદથી સુખસર તરફ જતાં માર્ગ પર પોલીસની નાકાબંધી દરમ્યાન એક ટ્રકમાંથી પોલીસે રૂા. ૩,૨૪,૦૦૦ના વિદેશી દારૂના જથ્થા સાથે ટ્રકના ચાલક સહિત બે જણાની અટક કર્યાનું જાણવા મળે છે.

રાજસ્થાન રાજ્યના ઉદેપુર તથા બાંસવાડા જિલ્લામાં રહેતાં શંકરભાઈ પ્રેમાજી ગાયરી તથા તેની સાથે  જીતુલાલ મંગુભાઈ પટેલ આ બંન્ને જણા ગત તા.૧૭.૦૬.૨૦૨૧ના રોજ પોતાના કબજાની એક ટ્રક લઈ ફતેપુરા તાલુકાના ઝાલોદથી સુખસર તરફ જઈ રહ્યાં હતાં. આ દરમ્યાન પોલીસને મળેલ બાતમીના આધારે પોલીસે આ સ્થળે વોચ ગોઠવી ઉભા હતાં ત્યારે આ ટ્રક ત્યાંથી પસાર થતાં પોલીસે તેને ચારેય તરફથી ઘેરી લીધી હતી અને ટ્રકમાં સવાર ઉપરોક્ત બંન્નેની અટકાયત કરી ટ્રકની તલાસી લેતાં પોલીસ ચોકી ઉઠી હતી. પોલીસે ટ્રકમાંથી વિદેશી દારૂની પેટીઓ નંગ.૪૫ જેમાં બોટલો નંગ.૨૧૬૦ જેની કુલ કિંમત રૂા.૩,૨૪,૦૦૦ના પ્રોહી મુદ્દામાલસાથે ટ્રકની કિંમત વિગેરે મળી મળી કુલ રૂા.૬,૩૪,૦૦૦નો મુદ્દામાલ કબજે કરી પોલીસે સુખસર પોલીસે પ્રોહીનો ગુનો નોંધી કાયદેસરની કાર્યવાહી હાથ ધરી છે.