લીમખેડા તાલુકાના પાણીયા ગામે પોલીસનો સપાટો : ૧૬ જુગારીઓને ઝડપી પાડતાં લીમખેડા નગરમાં જુગારીઓમાં ફફડાટ ફેલાયો : પોલીસ દ્વારા રૂા.૧૦ હજારની રોકડ કબજે કરાઈ

દાહોદ તા.૧૪

દાહોદ જિલ્લાના લીમખેડા તાલુકાના પાણીયા ગામે જાહેરમાં ખુલ્લી જગ્યામાં પત્તા પાના વડે હારજીતનો જુગાર રમી રહેલ ૦૮ જેટલા જુગારીઓને ઝડપી પાડતાં જુગારીઓમાં નાસભાગના દ્રશ્યો સર્જાયાં હતાં પરંતુ પોલીસે જુગારીઓને ચારેય તરફથી ઘેરી લઈ આઠેય જુગારીઓને ઝડપી પાડી દાવ પરથી રોકડા રૂપીયા ૧૦,૨૬૦ તેમજ પત્તા પાના કબજે કર્યાંનું જાણવા મળે છે.

ગત તા.૧૩.૦૮.૨૦૨૧ના રોજ લીમખેડા તાલુકાના પાણીયા ગામે બસ સ્ટેશન નજીક જાહેર ખુલ્લી જગ્યામાં ભુપેન્દ્રભાઈ સુરપાળભાઈ પટેલ, જશુભાઈ સુરજભાઈ બારીઆ, મોહનભાઈ સુરસીંગભાઈ બારીયા,મીતેશભાઈ સુરપાળભાઈ ચૌહાણ,સુરેશભાઈ વાઘાભાઈ પટેલ,અર્જુનભાઈ સુરેશભાઈ બારીઆ,જશવંતભાઈ બાબુભાઈ પટેલ અને ચંન્દ્રસીંગ બાબુભાઈ બારીઆ (તમામ રહે. પાણીયા, તળાવ ફળિયું) નાઓ પત્તા પાના વડે પૈસા વડે હારજીતનો જુગાર રમતા હોવાની પોલીસને બાતમી મળતાં પોલીસ તાત્કાલિક સ્થળ પર પહોંચી હતી અને ઓચિંતો છાપો મારતાં ઉપરોક્ત જુગારીઓમાં નાસભાગ મચી ગઈ હતી પરંતુ પોલીસે આઠેય જણાને ચારેય તરફથી ઘેરી લઈ ઝડપી પાડ્યાં હતાં. પોલીસે દાવ પરથી રોકડા રૂપીયા ૧૦,૨૬૦ અને પત્તા પાના કબજે લઈ ઉપરોક્ત આઠેય જુગારીઓ વિરૂધ્ધ જુગાર ધારાની કલમ મુજબ ગુનો નોંધી કાયદેસરની કાર્યવાહી હાથ ધરી છે.