દાહોદ જિલ્લાના ગરબાડા તાલુકાના દેવધા ગામે બે મોટરસાઈકલો સામ સામે ભટકાતા એકનું મોત : એક ઈજાગ્રસ્ત

રિપોર્ટર : ગગન સોની

દાહોદ તા.૦૧

દાહોદ જિલ્લાના ગરબાડા તાલુકાના દેવધા ગામે એક મોટરસાઈકલના ચાલકે પોતાના કબજાની મોટરસાઈકલ પુરઝડપે અને ગફલત ભરી રીતે હંકારી લાવી સામેથી આવતી અન્ય એક મોટરસાઈકલને અડફેટમાં લઈ જાેશભેર ટક્કર મારતાં મોટરસાઈકલ પર સવાર બે જણા જમીન પર ફંગોળાતાં જે પૈકી એકનું ગંભીર ઈજાઓને પગલે મોત નીપજ્યાંનું જાણવા મળે છે જ્યારે એકને સારવાર હેઠળ ખસેડાયાં છે.

ગત તા.૩૧મી ઓગષ્ટના રોજ દેવધા ગામે રોડ ઉપર એક મોટરસાઈકલનો ચાલક પોતાના કબજાની મોટરસાઈકલ લઈ પુરઝડપે અને ગફલત ભરી રીતે હંકારી પસાર થઈ રહ્યો હતો. આ દરમ્યાન ત્યાંથી મોટરસાઈકલ લઈ પસાર થઈ રહેલાં મિથુનભાઈ મગનભાઈ ભાભોર (ઉ.વ.૩૨, રહે. ખારવા, હોળી ફળિયા, તા.ગરબાડા, જિ.દાહોદ) અને તેમની સાથે શૈલેષભાઈ દિનેશભાઈની મોટરસાઈકલને અડફેટમાં લઈ જાેશભેર ટક્કર મારતાં બંન્ને જણા મોટરસાઈકલ પરથી જમીન પર ફંગોળાયાં હતાં જેને પગલે મિથુનભાઈ મગનભાઈ ભાભોરને શરીરે તેમજ માથાના ભાગે ગંભીર જીવલેણ ઈજાઓ થતાં તેઓનું મોત નીપજ્યું હતું જ્યારે શૈલેષભાઈ દિનેશભાઈને શરીરે તેમજ માથાના ભાગે ઈજાઓ પહોંચતાં તેઓને નજીકના દવાખાને સારવાર અર્થે ખસેડવામાં આવ્યાં હતાં. અકસ્માત સર્જી મોટરસાઈકલનો ચાલક નાસી ગયો હોવાનું જાણવા મળી રહ્યું છે.

આ સંબંધે ખારવા ગામે હોળી ફળિયામાં રહેતાં મગનભાઈ દલાભાઈ ભાભોરે ગરબાડા પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.