ગરબાડાના દેવધા ગામે ફોર વ્હીલરના ચાલકે મોટરસાઈકલના ચાલકને અડફેટમાં લેતાં મોટરસાઈકલના ચાલકનું મોત નીપજ્યું

રિપોર્ટર : ગગન સોની

દાહોદ તા.૨૧
દાહોદ જિલ્લાના ગરબાડા તાલુકાના દેવધા ગામે એક ફોર વ્હીલર ગાડીના ચાલકે મોટરસાઈકલ ચાલકને અડફેટમાં લેતાં મોટરસાઈકલના ચાલકને શરીરે તેમજ માથાના ભાગે ગંભીર ઈજાઓને પગલે મોત નીપજ્યાંનું જાણવા મળે છે.
ગત તા. ૨૦મી ઓક્ટોમ્બરના રોજ એક ફોર વ્હીલર ગાડીનો ચાલક પોતાના કબજાની ફોર વ્હીલર ગાડી પુરઝડપે અને ગફલત ભરી રીતે દેવધા ગામેથી ફોર વ્હીલર ગાડી હંકારી પસાર થઈ રહ્યો હતો. આ દરમ્યાન ત્યાંથી મોટરસાઈલ લઈ પસાર થઈ રહેલ ગરબાડા તાલુકાના ઝરીબુઝર્ગ ગામે હોળી ફળિયામાં રહેતાં સંદીપભાઈ લલીતભાઈ સંગોડની મોટરસાઈકલને જાેશભેર ટક્કર મારતાં સંદીપભાઈ મોટરસાઈકલ સાથે જમીન પર ફંગોળાયાં હતાં જેને પગલે તેઓને શરીરે તેમજ માથાના ભાગે ગંભીર ઈજાઓ થતાં તેઓને તાત્કાલિક નજીકના દવાખાના સારવાર અર્થે ખસેડવામાં આવ્યાં હતાં પરંતુ સારવાર દરમ્યાન સંદિપભાઈનું મોત નીપજતાં આ સંબંધે ઝરીબુઝર્ગ ગામે હોળી ફળિયામાં રહેતાં કનુભાઈ મગનભાઈ સંગોડે ગરબાડા પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.